1990 წელს დაიცვა საკანდიდატო დისერტაცია: „ადამიანის ეთიკური კონცეფცია იოჰან გოტლიბ ფიხტეს იდეალიზმში“. 1995 წელს დაიცვა სადოქტორო დისერტაცია: „ფაუსტური სულის პრობლემა იოჰან გოტლიბ ფიხტეს ეთიკურ იდეალიზმში“. 2003 წელს ფულბრაიტის პროგრამით იმყოფებოდა სანტა ბარბარას უნივერსიტეტში (აშშ, კალიფორნია). 2004-2005 წლებში იყო მიწვეული პროფესორი ნანზანის უნივერსიტეტში (ნაგოია, იაპონია). 1990 წლიდან 2009 წლამდე მუშაობდა თსუ ფილოსოფიის ფაკულტეტზე ჯერ უფროს მასწავლებლად, შემდეგ დოცენტად, პროფესორად და ბოლოს - სრულ პროფესორად. 2001-2005 წლებში იყო თბილისის კულტურისა და ხელოვნების სახელმწიფო უნივერსიტეტის უფროსი მეცნიერ-თანამშრომელი. 2009 წლიდან მუშაობს თბილისის აპოლონ ქუთათელაძის სახელობის სამხატვრო აკადემიაში და კითხულობს ლექციების სამ კურსს ფილოსოფიურ დისციპლინებში. 2016 წელს მისმა წიგნმა „ირაკლი ფარჯიანი და შეხვედრის მეტაფიზიკა“ მიიღო ლიტერატურული პრემია „საბა“. იგი არის 100-ზე მეტი სამეცნიერო ნაშრომის ავტორი.
მერაბ მამარდაშვილი (1930 წლის 15 სექტემბერი - 1990 წლის 25 ნოემბერი) დაიბადა გორში; მამამისი, კონსტანტინე მამარდაშვილი, სამხედრო მოსამსახურე იყო, ხოლო დედა, ქსენია გარსევანიშვილი, ქართული არისტოკრატული წრიდან გახლდათ. მერაბ მამარდაშვილი ბავშვობიდანვე თავისუფლად საუბრობდა ქართულ, რუსულ და ინგლისურ ენებზე; მან შემდგომში ასევე დამოუკიდებლად ისწავლა გერმანული, ფრანგული, იტალიური და ესპანური ენები; შედარებით ნაკლებად ფლობდა ბერძნულსა და ჩეხურს; ბავშვობის წლები საბჭოთა კავშირის სხვადასხვა ქალაქებში გაატარა; მეორე მსოფლიო ომის დაწყების შემდეგ მამამისი ფრონტზე წავიდა და ოჯახი საცხოვრებლად თბილისში გადავიდა.
ავთანდილ პოპიაშვილი (1944 წლის 5 მარტი - 1998 წლის 15 თებერვალი) დაიბადა დედოფლისწყაროს რაიონის სოფელ გამარჯვებაში; 1962-1964 წლებში სწავლობდა საქართველოს სახელმწიფო პოლიტექნიკურ ინსტიტუტში;
ქართველი ფილოსოფოსი გიორგი (ჟორეს) ცინცაძე დაიბადა 1926 წლის 15 აგვისტოს გურიაში, სოფელ ბუკისციხეში; 1944 წელს დაამთავრა თბილისის პირველი საშუალო სკოლა; ამავე წელს ჩააბარა თბილისის სახელმწიფო უნივერსიტეტის ფილოსოფიის ფაკულტეტზე; 1946 წელს ოთხმა ქართველმა სტუდენტმა - გიორგი ცინცაძემ, ალექსანდრე მელაძემ, შოთა ჯიჯაძემ და ბორის ხუხუამ - შექმნეს პოლიტიკური ორგანიზაცია, რომლის მიზანიც იყო