2019 წელს ბათუმის შოთა რუსთაველის სახელმწიფო უნივერსიტეტში მიენიჭა ისტორიის ბაკალავრის აკადემიური ხარისხი. 2021 წელს ახალი საქართველოს უნივერსიტეტში მიენიჭა ფილოსოფიის მაგისტრის აკადემიური ხარისხი (სამაგისტრო თემა: „ღმერთის არსებობის არგუმენტები და იონა ხელაშვილის ქრისტიანული მეტაფიზიკა“). 2023 წლიდან სწავლობს ამავე უნივერსიტეტის ქრისტიანული ფილოსოფიის სადოქტორო პროგრამაზე. 2023 წლიდან მუშაობს სსიპ „აჭარის მუზეუმი“ - რელიგიის მუზეუმში. მისი კვლევითი ინტერესების სფეროს წარმოადგენს: რელიგიის ისტორია, ქართული ფილოსოფია და ქრისტიანული ფილოსოფია.
თავადი ალექსანდრე გიორგის ძე ჩიქოვანი ახალი დროის ქართული ფილოსოფიური აზროვნების წარმომადგენელია. იგი დაიბადა ქალაქ თბილისში, 1805 წლის 27 აგვისტოს. გარდა ფილოსოფიური აზროვნებისა, მისი მოღვაწეობის სფეროში პოეზიაც შედიოდა. მაგალითად, მისი რამდენიმე ლექსი 1857-1858 წლებში ჟურნალ „ცისკარში“ გამოქვეყნდა, დიდი ნაწილი მისი პოეზიისა კი დაკარგულია.